Powerade #6 í gær

Vel mætt, PB sett, spenningur fyrir lokahófið fer vaxandi....

Árshátíð Afrekshópsins 5. febrúar

Árshátíð Afrekshópsins verður haldinn laugardaginn 2.febrúar á Holtinu þar sem við fáum tvíréttaða hleðslu.

Við ætlum að hittast fyrst í fordrykk kl.18.30 og mætum á Holtið rétt fyrir kl.20.

Það verður bara gaman – þeir sem mættu í fyrra muna að það var bara stuð og þá svona sérstaklega í lokin :-D

Verð er 5500 pr. mann - makar eru sérstaklega velkomnir

Powerade #4 - úrslit

Fjölmargir meðlimir Afrekshópsins öfluðu stiga í Powerade hlaupinu í janúar og metmæting bætti svo um betur.  Þetta skilaði því að hópurinn er nú kominn í efsta sæti í keppni hlaupahópa.  Vííííí...

Röð	Tími	Nafn	Stig	Flokkastig
6.	38:02:00	Viktor Orri Pétursson	5	7
16.	39:41:00	Viktor Vigfússon		8
24.	40:27:00	Haraldur Vilhjálmsson		7
32.	41:16:00	Margeir Kúld Eiríksson		5
33.	41:22:00	Daníel Smári Guðmundsson		10
34.	41:26:00	Björn Baldursson		4
37.	41:40:00	Höskuldur Ólafsson		3
47.	42:19:00	Arnar Garðarsson		1
52.	42:53:00	Arnór Hauksson
64.	43:13:00	Ingvi J. Ingvason		8
67.	43:42:00	Pétur Ívarsson
73.	43:56:00	Helgi Þór Harðarson
82.	44:36:00	Eva Ólafsdóttir	7	10
96.	45:16:00	Daníel Karlsson
109.	46:28:00	Hannes Hauksson
128.	47:33:00	Guðmundur S. Ólafsson
133.	47:53:00	Christine Buchholz		7
156.	49:18:00	Björn Rafn Gunnarsson
161.	49:33:00	María Jóhannesdóttir		5
173.	49:59:00	Jórunn Dóra Sigurjónsdóttir		5
183.	50:46:00	Birna Guðmundsdóttir		2
194.	51:19:00	Marvin Ívarsson
199.	51:39:00	Guðmann Bragi Birgisson
201.	51:51:00	Vigfús Eyjólfsson
204.	52:08:00	Ingvar Þór Magnússon		4
206.	52:09:00	Inga Björk Guðmundsdóttir		6
226.	53:23:00	Þórdís G. Magnúsdóttir		1
227.	53:23:00	Anna Dís Sveinbjörnsdóttir		8
244.	54:47:00	Sigþór Sigmarsson
262.	55:56:00	Gróa Másdóttiir
270.	56:53:00	Dagrún Hálfdánardóttir
279.	57:59:00	Páll Helgason
340.	67:50:00	Vala Guðbjartsdóttir
341.	68:19:00	Steinunn G. Ástráðsdóttir		7
343.	71:03:00	Sigurður Ólafsson

Fjallabaksleið efri byggða

Í morgun var farin Fjallabaksleið efri byggða höfuðborgarsvæðisins. Greinilegt að við vorum komin upp fyrir snjólínu við Salalaug í Kópavogi. Síðan var hlaupið niður dalina, með ám og lækjum að sjávarmáli og upp aftur.

Það var nauðsynlegt að fá leiðsögn heimamanns til að fylgja hópnum frá Sölunum yfir í Selin. Þá könnuðust menn við sig og stefndu yfir í Fellin til að fara niður Elliðarárdalinn frá efsta punkti Poweradehringsins.  Áfram niður í Fossvogsdalinn niður að sjávarmáli þar sem sumir lengdu fyrir Kársnesið meðan aðrir fóru yfir hálsinn. Í Kópavogsdalnum hinum megin voru aftur vegvillur og gekk misvel að finna réttu undirgöngin til að komast upp í Lindir.  Eftir að komið var upp í Lindir varð gatnakerfi Kópavogs öllum óskiljanlegt, hópurinn tvístraðist aðeins, sameinaðist aftur en stefndi þó alltaf eitthvað í rétta átt, aftur upp í Sali og sundlaugina.

Ef einhver skilaði sér ekki, þá má kannski athuga hvort gulur jakki sé á ráfi þarna í fjöllum Kópavogs..

Powerade #4 - janúar

Sjaldan eða aldrei hafa fleiri í Afrekshópnum mætt í Poweradehlaup og í gærkvöldi.  Nú verður áhugavert að sjá stigatöfluna.

Metmæting á nýju ári

Er hátíðarsamviskubitið að naga ? Áramótaheit strengd ? Lokkaði styrktarþjálfarinn ?

Væntanlega sambland af öllu þrennu og jafnvel fleiru, því það var metmæting á sprettæfingu Afrekshópsins í Frjálsíþróttahöllinni í gær.  Þrjátíuogfjögur stykki, ef skrifari taldi rétt, af fögrum limaburði á hlaupabrautinni takk fyrir.

Létt og stutt æfing á dagskránni fyrir þá sem ætluðu í styrktartímann á eftir hlaupunum eða 10x200m, reyndar með extra hraðaaukningum og fótaburðardrillum á undan.  20 sprettir fyrir þá sem ekki þáðu styrktaræfingarnar.

Sprettgleðin gerði 10 hringina ekkert of auðvelda en það er nú bara þannig...

Svo kom loks að því sem beðið hefur verið eftir í heilan mánuð.  Hópurinn hefur ráðið sér sérstakan styrktarþjálfara til að taka á okkur vikulega í janúar með áherslu á fóta- og kjarnaæfingar sérmiðaðar fyrir hlaupara.

Tutttuguogfjögur þáðu viðbótina og voru mætt í hornið til þjálfarans á slaginu sjö með eftirvæntinguna skínandi úr hverju andliti. Hópnum var skipt í fernt og teknar æfingar með stöðvafyrirkomulagi. Röggsemi og leiðtogagen sumra komu í ljós þegar einn í hverjum hópi leiddi eina æfinguna með taktvissum skipunum.

Sælugrettin og rauðþrútin vellíðunarandlit geisluðu eftir tímann og hlakka strax til næsta þriðjudags.

Rólegt morgunhlaup um Garðabæinn

Afrekshópurinn hittist við Ásgarð þennan morguninn með stefnuna á Heiðmörk.

Fljúgandi hálka á stígunum gerði út um þau plön, einungis tveir voru á broddum eða gormum, svo farinn var hringur um Garðabæ þess í stað.

Ekki var hálkan samt minni inni í bænum svo hópurinn þræddi grasbala, umferðareyjar og götur eins og við var komið.