Staður: Laugardalshöll
Stund: Kvöldmatarleyti
Mættir: Næstumþvíallir
Þetta var sérkennileg þriðjudagsæfing. Þjálfari vor, Hvíti Kenýa gaf tóninn fyrr í dag í tölvupósti þar sem hann tjáði okkur að búið væri að afnema 5-mínútna-regluna. Hún fólst í því að leggja alltaf að stað að lágmarki 5 mínútum seinna af stað eftir auglýstan æfingatíma. Það er meira að segja ansi naumt að kalla þetta 5-mínútna-regluna .... það væri nærri lagi að kalla þetta 8-10-mínútna-regluna. Þetta stóðst eins og stafur á bók .... með skekkjumörkunum plús mínus 2 mínútur. Æfingin hófst 17:47 skv. Garminum mínum. Maður fann strax að það lá eitthvað í loftinu. Hlutirnir voru ekki eins og þeir áttu að vera. Þegar upphitun var svo gott sem á enda gerðust undur og stórmerki. Í staðinn fyrir að fara sunnannmegin við höllina í lok upphitunar, eins og lögbundin ríkisupphitunarhringslög kveða á um, var farið NORÐUR fyrir slottið! GOD ALMIGHTY! Þetta er mesta klikkun og flipp sem ég hef lent á minni annars brjáluðu lífsleið. Ég er eiginlega enn að jafna mig......
....jæja, þegar inn var komið í höllina mátti ennþá finna fyrir undarlegheitum í andrúmsloftinu. Það var eitthvað crazyness í gangi. Daníel var ekki samur við sig. Uppveðraður og upptjúnaður. Til í smá klikkun. Enda stóðst það. Í staðinn fyrir að taka fjögur stykki af lögbundum hraðaaukningum tókum við fimm kvikindi. Ok, þarna var mér svo gott sem lokið. Ég meika ekki svona miklar breytingar! Fyrst er upphitunin sett í meiri háttar uppnám og svo klikka hraðaaukningarnar stórlega. Ég var að spá í að hringja í Beinhimnu-Bjössa til að spyrja um númerið hjá Vælubílnum. Fór meira að segja aðeins út í horn til að fella nokkur óöryggistár.
Ég ákvað samt að bugast ekki, tók sjálfa mig á eintal og sagði að ég gæti klárað þetta rugl. Þá kom reiðarslagið. VIÐ BYRJUÐUM ÖFUGUM MEGIN Á BRAUTINNI. Nei. Þarna var mér allri lokið. Hvað er að frétta? Má þetta bara? Ég þarf aðeins að ræða við stjórnina um þetta mál.
..........Fyrir utan þetta stórkostlega haverí var þetta algjör prima æfing. Afrekshópsmeðlimir voru allir með bros á vör, til í tuskið, til í að fræsa brautina upp, reykspóla eins og þeir ættu lífið að leysa og skilja keppinautana eftir í reykmekki. Enda var það gert sko. Allir rennblautir af svita, með gubb í hálsi og súra vöðva að æfingu lokinni. Það var allt lagt í sölurnar. Blessunarlega var Höskuldur Þyrlureddari, sómi Afrekshópsins, sverð hans og skjöldur mættur til baka eftir 4urra vikna útlegð í Noregsmannalandi. Guði sé lof.
Æi, kids, ég þarf að bæta einu við. Til að bæta gráu ofan á svart þá þurfti Afrekskórinn endilega að hefja upp raust sína og syngja ammósönginn fyrir Betu Bronz. Sorry to say ...... en ég held að ég hafi aldrei skammast mín jafn mikið á minni lífsleið. No hard feelings .... en, ég held að þið, sem sunguð með Afrekskórnum í kvöld, ættuð bara að leggja sönginn á hilluna og einbeita ykkur að hlaupunum. Þið eruð svo miklu hæfileikaríkari í hlaupaskónum en í raddböndunum. Það var amk einróma álit okkar Ingu eftir að hafa staðið á kantinum og hlegið okkur máttlausar. Sollí.
4 dagar í árshátíð. Ég veit ekki með ykkur, en ég er spennt.
Gangið á afreksvegum.
HT Johnson
Tuesday, January 31, 2012
Saturday, January 28, 2012
Laugardagur til lukku
Staður: Höfuðstöðar Vals Skokks
Stund: Laugardagurinn 28.janúar, morgunn og myrkur
Mættir: Flottustu hlauparar landsins...ég skal reyna að telja þá upp..... Kristján, Danni aka Hvíti Kenýa, Halldóra, Margeir Rotterdamgaukur, Beta Bronz, Siggi Svifnökkvi, Jói hundrað, Anna Lára, Þórdís, Steinunn Ástráðs, Gróa Yogadís, Guðmann Nítró, Bjössi Boot Camp, Ingvar, Eva Höskuldarsystir, Sigga Helgusystir og ÉG...... fjúff...... ég held að þetta sé upptalið
Fegurðin sveif yfir vötnum í morgun. Afrekshópurinn er ekki bara uppfullur af ógeðslega góðum og flottum og töffuðum og kúluðum hlaupurum, heldur eru þeir líka svo fáránlega skemmtilegir að það er eiginlega asnalegt sko! Þetta fer alveg að detta í það að vera yfirnáttúrulega staða. Það er hvergi galla að finna á þessum föngulega hóp :D
Nú, en að málefnum morgunsins. Mætingin var afskaplega góð. Siggi Svifnökkvi og Jói hundrað mættu galvaskir ÁN gorma. Ég get nú ekki annað sagt en að það hafi aldeilis verið uppi á þeim ty**** í morgun með þessum gjörningi..... algjört glapræði að mæta svona óvarinn í þessa færð. Þeir létu nú samt ekki segjast og þóttust geta sigrað heiminn. Reyndar er það bara on daily bases hjá þeim að gera tilraunir til að sigra heiminn en þeir voru sérstaklega uppveðraðir í það í morgun. Til að gera langa sögu stutta þá datt Svifnökkvinn einu sinni en Jói aldrei. Þegar síðast frétti af þeim voru þeir enn á hlaupum.
Ísbjörninn mætti líka. Hann vissi ekki hvaðan á sig stóð veðrið þegar hann leit á mig í morgun .... og svo annað eintak af kvenmanni mér við hlið, sem var ótrúlega svipað mér.... samt ekki alveg eins.... en samt svo svipað. Til allrar hamingju var ég með lambhúshettuna víðfrægu á kollinum þannig að Beinhimnu-Bjössi áttaði sig á fyrir rest að ég var ég og Sigga systir var Sigga systir. Sjúkk. Annars hefði Bjössi þurft að hringja á 113 (Vælubílinn).
Beta Bronz var sérlega prúð í morgun, hélt sig bara á 6-pace .... sem er sjaldnast á hlaupamatseðli hennar ..... hún lætur ekki sjá sig á yfir 5:30 pace.... en það var einhver stóísk ró yfir stúlkunni í morgun. Ég held að hún sé með eitthvað hernaðarplan í gangi. Leynitrix. Þetta var ekki líkt henni..... hún er með eitthvað í pokahorninu.....
Sögur af öðrum eru ekki í boði þar sem þeir annaðhvort ruku áfram með rakettu í rassinum eða höfðu það kósí á rúmlega 6 pace hér og þar um bæinn.... eða voru sérlega stilltir og létu ekki í sér heyra.
Árshátíðin er eftir slétta viku. Ég tók stikkprufur á six-pack-stöðu í morgun. Siggi Svifnökkvi er kominn með 3-pack og Beinhimnu-Bjössi er með 4-pack. Danni er kominn yfir leyfileg mörk; hann er kominn með 8-pack. Hann kannski splæsir tveimur á einhvern sem er enn bara með one-pack.
Gangið á guðs vegum.
HT Johnson
Stund: Laugardagurinn 28.janúar, morgunn og myrkur
Mættir: Flottustu hlauparar landsins...ég skal reyna að telja þá upp..... Kristján, Danni aka Hvíti Kenýa, Halldóra, Margeir Rotterdamgaukur, Beta Bronz, Siggi Svifnökkvi, Jói hundrað, Anna Lára, Þórdís, Steinunn Ástráðs, Gróa Yogadís, Guðmann Nítró, Bjössi Boot Camp, Ingvar, Eva Höskuldarsystir, Sigga Helgusystir og ÉG...... fjúff...... ég held að þetta sé upptalið
Fegurðin sveif yfir vötnum í morgun. Afrekshópurinn er ekki bara uppfullur af ógeðslega góðum og flottum og töffuðum og kúluðum hlaupurum, heldur eru þeir líka svo fáránlega skemmtilegir að það er eiginlega asnalegt sko! Þetta fer alveg að detta í það að vera yfirnáttúrulega staða. Það er hvergi galla að finna á þessum föngulega hóp :D
Nú, en að málefnum morgunsins. Mætingin var afskaplega góð. Siggi Svifnökkvi og Jói hundrað mættu galvaskir ÁN gorma. Ég get nú ekki annað sagt en að það hafi aldeilis verið uppi á þeim ty**** í morgun með þessum gjörningi..... algjört glapræði að mæta svona óvarinn í þessa færð. Þeir létu nú samt ekki segjast og þóttust geta sigrað heiminn. Reyndar er það bara on daily bases hjá þeim að gera tilraunir til að sigra heiminn en þeir voru sérstaklega uppveðraðir í það í morgun. Til að gera langa sögu stutta þá datt Svifnökkvinn einu sinni en Jói aldrei. Þegar síðast frétti af þeim voru þeir enn á hlaupum.
Ísbjörninn mætti líka. Hann vissi ekki hvaðan á sig stóð veðrið þegar hann leit á mig í morgun .... og svo annað eintak af kvenmanni mér við hlið, sem var ótrúlega svipað mér.... samt ekki alveg eins.... en samt svo svipað. Til allrar hamingju var ég með lambhúshettuna víðfrægu á kollinum þannig að Beinhimnu-Bjössi áttaði sig á fyrir rest að ég var ég og Sigga systir var Sigga systir. Sjúkk. Annars hefði Bjössi þurft að hringja á 113 (Vælubílinn).
Beta Bronz var sérlega prúð í morgun, hélt sig bara á 6-pace .... sem er sjaldnast á hlaupamatseðli hennar ..... hún lætur ekki sjá sig á yfir 5:30 pace.... en það var einhver stóísk ró yfir stúlkunni í morgun. Ég held að hún sé með eitthvað hernaðarplan í gangi. Leynitrix. Þetta var ekki líkt henni..... hún er með eitthvað í pokahorninu.....
Sögur af öðrum eru ekki í boði þar sem þeir annaðhvort ruku áfram með rakettu í rassinum eða höfðu það kósí á rúmlega 6 pace hér og þar um bæinn.... eða voru sérlega stilltir og létu ekki í sér heyra.
Árshátíðin er eftir slétta viku. Ég tók stikkprufur á six-pack-stöðu í morgun. Siggi Svifnökkvi er kominn með 3-pack og Beinhimnu-Bjössi er með 4-pack. Danni er kominn yfir leyfileg mörk; hann er kominn með 8-pack. Hann kannski splæsir tveimur á einhvern sem er enn bara með one-pack.
Gangið á guðs vegum.
HT Johnson
Friday, January 20, 2012
Hraðamet og mætingamet
Það var í sakleysi mínu sem ég mætti á hefðbundna þriðjudagsæfingu með hópnum. Nú átti sko aldeilis að þreyta eins og eina sveitta sprettæfingu á brautinni alræmdu.
Það vildi til þennan dag að ég var sein fyrir um heilar fimm mínútur. Ég var nú ekki að stressa mig á að missa af hópnum því þegar ég mæti á venjulegum tíma er ALDREI lagt af stað fyrr en sirkabát 5-7 mínútum eftir niðurnegldan brottfarartíma.
....ég hoppaði út úr bílnum, trítlaði að höllinni...... og í því kemur hópurinn.... nei, við skulum ekki nota orðið hópur ..... í því kemur RISAmannmergðshjörðin, sem ber nafnið Afrekshópur! Boj ó boj! Bílaplanið nötraði undan þessum fjölda! Ný smetti, Grindarvíkursmetti auk þeirrar ánægjulegu staðreyndar að tjah, allir voru mættir olli þessum fjölda.... tja, það voru allir mættir nema hraðakóngurinn sjálfur, Höskuldur. Hann var löglega afsakaður við þyrluredd í Noregi. Hann má samt alveg fara að koma heim bara, er maður eitthvað lengi að redda einni þyrlu yfir hafið?
Eftir hefðbundinn upphitunarhring úti við taldi ég nauðsynlegt að skrásetja þennan metfjölda á æfingu. Ég kallaði talningamenn mína á fund og bað þá vinsamlegast að telja Afrekskvikindin. Niðurstaðan - 40 stykki. Það var og. Þetta var ekkert grín. Það þurfti að kalla á umferðarlögreglu til að stýra umferðinni á brautinni ...... BootCamp-Bjössi hætti meira að segja að spretta, áður en kvótinn var fylltur, til að létta álagið á brautinni og Laddi gerði sér upp magaónot og tók færri spretti. Allt okkur hinum til hagsbóta og yndisauka!
Fólk var að velta fyrir sér þessari ævintýralega góðu mætingu. Það komu ýmsar tilgátur upp á yfirborðið eins og til dæmis að menn væru að tryggja að þeir væru gjaldgengir á mestu árshátíð sem fram hefur farið í þessari vetrarbraut; Árshátíð Afrekshópsins 2012. Hún verður víst legendary, það er orðið á götunni. Stjórnin kvittar undir þann orðróm án þess að blikna veit ég.
Nú, sumir vildu meina að fólk væri að sækjast eftir því að lenda í bloggklónum hjá mér og öðlast þannig frægð um víðan völl. Ég get nú alveg játað að sú tilgáta kemur afskaplega sterk inn enda er þessi vefsíða svo mikið lesin að ég á erfitt með að fara út í kjörbúð án þess að vera stoppuð ca 11 sinnum til að gefa eiginhandaráritanir. Fleiri tilgátur voru ekki ræddar að svo komnu máli.
Æfingin sjálf reyndi virkilega á Afrekshópsmeðlimi. Meistari okkar sá til þess að hver og einn einast Afrekshlaupari fór heim með gallsúra og þreytta fætur, 2 kg léttari vegna svitaútláts en með bros á vör eftir erfiða æfingu.
Ég mætti ekki á æfingu í kvöld vegna ... tja, aþþíbara. Aðrir eru til vitnis um þá æfingu. Megi þeir láta ljós sitt skína skært á þessari síðu um þá kvöldstund.
Með vinsemd og virðingu,
HT Johnson
Það vildi til þennan dag að ég var sein fyrir um heilar fimm mínútur. Ég var nú ekki að stressa mig á að missa af hópnum því þegar ég mæti á venjulegum tíma er ALDREI lagt af stað fyrr en sirkabát 5-7 mínútum eftir niðurnegldan brottfarartíma.
....ég hoppaði út úr bílnum, trítlaði að höllinni...... og í því kemur hópurinn.... nei, við skulum ekki nota orðið hópur ..... í því kemur RISAmannmergðshjörðin, sem ber nafnið Afrekshópur! Boj ó boj! Bílaplanið nötraði undan þessum fjölda! Ný smetti, Grindarvíkursmetti auk þeirrar ánægjulegu staðreyndar að tjah, allir voru mættir olli þessum fjölda.... tja, það voru allir mættir nema hraðakóngurinn sjálfur, Höskuldur. Hann var löglega afsakaður við þyrluredd í Noregi. Hann má samt alveg fara að koma heim bara, er maður eitthvað lengi að redda einni þyrlu yfir hafið?
Eftir hefðbundinn upphitunarhring úti við taldi ég nauðsynlegt að skrásetja þennan metfjölda á æfingu. Ég kallaði talningamenn mína á fund og bað þá vinsamlegast að telja Afrekskvikindin. Niðurstaðan - 40 stykki. Það var og. Þetta var ekkert grín. Það þurfti að kalla á umferðarlögreglu til að stýra umferðinni á brautinni ...... BootCamp-Bjössi hætti meira að segja að spretta, áður en kvótinn var fylltur, til að létta álagið á brautinni og Laddi gerði sér upp magaónot og tók færri spretti. Allt okkur hinum til hagsbóta og yndisauka!
Hér má sjá hópinn
Fólk var að velta fyrir sér þessari ævintýralega góðu mætingu. Það komu ýmsar tilgátur upp á yfirborðið eins og til dæmis að menn væru að tryggja að þeir væru gjaldgengir á mestu árshátíð sem fram hefur farið í þessari vetrarbraut; Árshátíð Afrekshópsins 2012. Hún verður víst legendary, það er orðið á götunni. Stjórnin kvittar undir þann orðróm án þess að blikna veit ég.
Nú, sumir vildu meina að fólk væri að sækjast eftir því að lenda í bloggklónum hjá mér og öðlast þannig frægð um víðan völl. Ég get nú alveg játað að sú tilgáta kemur afskaplega sterk inn enda er þessi vefsíða svo mikið lesin að ég á erfitt með að fara út í kjörbúð án þess að vera stoppuð ca 11 sinnum til að gefa eiginhandaráritanir. Fleiri tilgátur voru ekki ræddar að svo komnu máli.
Æfingin sjálf reyndi virkilega á Afrekshópsmeðlimi. Meistari okkar sá til þess að hver og einn einast Afrekshlaupari fór heim með gallsúra og þreytta fætur, 2 kg léttari vegna svitaútláts en með bros á vör eftir erfiða æfingu.
Ég mætti ekki á æfingu í kvöld vegna ... tja, aþþíbara. Aðrir eru til vitnis um þá æfingu. Megi þeir láta ljós sitt skína skært á þessari síðu um þá kvöldstund.
Með vinsemd og virðingu,
HT Johnson
Subscribe to:
Posts (Atom)