Flottur endir á góðu ári

Gamlárshlaup ÍR fór fram á gamlársdag og var þátttaka mikil eins og undanfarin ár. Afrekshópshlauparar létu ekki sitt eftir liggja og voru heil 2,5% af þátttakendum!
Það verður seint sagt að stjarna okkar hafið skinið skært í búningakeppninni þar sem einungis tveir Afrekshópsmeðlimir (eftir því sem ritari best veit og sá) lögðu metnað í búningagerð. Það voru þeir Guðmann Bragi og Guðmundur S.
Guðmann mætti eins og ... tja..... já... það var einmitt það sem við Inga Björk vorum að velta fyrir okkur á ráslínu, í hvers konar búning var Guðmann? Hann var með hjálm sem líktist mótorkross hjálmi, var í svörtum samfestingi með fjóra litla kúta á bakinu sem minntu á mini-súrefniskúta. Ég myndi skjóta á að hann hafi verið geimfari? ..... :) Inga Björk hélt því staðfastlega fram að hann væri með ólögleg efni í kútunum til þess eins að kreista fram betri tíma í hlaupinu. Guðmundur S var í sparigallanum með slaufu enda alveg gráupplagt að klæða sig upp á síðasta degi ársins.

Árangur Afrekshópsins var glimrandi og getur Daníel sofið sáttur fram að næsta Powerade hlaupi. 3 PB (eftir því sem ritari best veit) voru sett auk þess sem fólk var almennt á flottum 10 km tímum! Vigfús tók árangur okkar saman og lítur þetta svona út:

47 39:42 Daníel Smári Guðmundsson 1961
50 39:54 Margeir Kúld Eiríksson 1965
66 40:56 Viktor Jens Vigfússon 1967
110 43:44 Hannes Hauksson 1966
112 43:46 Guðmundur Smári Ólafsson 1966
125 44:33 Sigurður Hrafn Kiernan 1969
128 44:36 Arnór Hauksson 1977
134 44:46 Ingvi Júlíus Ingvason 1962
137 44:57 Helga Þóra Jónasdóttir 1982
138 44:58 Elísabet Margeirsdóttir 1985
223 48:13 Jóhann Gísli Sigurðsson 1971
255 49:09 Inga Björk Guðmundsdóttir 1982
271 49:40 Björn Kristján Arnarson 1975
314 50:31 Ágúst Örn Haraldsson 1977
379 52:21 Vigfús Eyjólfsson 1967
399 53:11 Ingvar Þór Magnússon 1957
525 56:34 Rafn Sigurðsson 1958
705 66:52 Steinunn G. Ástráðsdóttir 1950
719 68:30 Steinunn Sveinsdóttir 1963
728 69:19 Guðmann Bragi Birgisson 1970


Margeir náði að merja fram 2ja sekúndna bætingu, einhver Helga Þóra, sem ég kannast lítið við, bætti sig um 2:10 og EmmessísBjörn náði þeim laaaaaaaaaaaaaaaaaaaaaaaaaangþráða tímamótaárangri að skríða undir 50 mínútna múrinn – ekki seinna vænna því þetta var aðal mission síðasta árs hjá kappanum! Hann fór vel undir 50 mínúturnar og endaði á 49:40.

Nú er nýtt ár gengið í garð með fögrum fyrirheitum og tilhlökkun í hlaupahjörtum okkar allra. Margir ætla að slá persónuleg met sem og skora á sjálfa sig í lengri vegalengdum með hækkandi sól og blómum í haga...... æj, ég nennekkjað vera háfleyg. Ég er hætt.

Ég loka þessum pistli með mynd af þjálfara vor, Danna Hundrað, rústa Laugaranum 2008

Með vinsemd og virðingu,
HT Johnson

PS, hvenær er árshátíð?